अपदस्त शासक कर्णेल गद्दाफि मारिए

चारदशक लामो शासनको मृत्युसंगै अन्त्य :





लिवियाका अपदस्त शासक कर्णेल मुअम्मार विहिवार आफ्नै गृहनगरमा मारिएका छन् । यसको घोषणा लिवियाका अन्तरिम सरकार प्रमुख महम्मुद जिबि्रलले गरेका हुन् । अन्तरिम सरकारका अनुसार नेटोको युद्धक विमानले उनि चढेको गाडिमा आक्रमण गर्दा उनी भागेको र भाग्दै गर्दा नेटो सेनाको आक्रमणमा परि उनको मृत्यु भएको घोषणा गरेको छ ।

सन् १९४२ जुन ७ मा जन्मिए गद्दाफि सानै उमेरदेखि षड्यन्त्र बनाउन माहिर रहेको मानिन्छ । सन् १९६९ सेप्टेमवरमा लिवियाका राजा इदि्रस उपचारका क्रममा टर्कि गएका बेला रत्तपात विहिन कर्णेल गद्दाफिले सत्ता हत्याएका थिए । उनि राजपरिवार विनाका सबैभन्दा धेरै समय शासन गर्ने मध्येमा पर्छन उनले ४१ वर्ष शासन गरे । उनको शासन हटाउन अहिलेको लिवियाली अन्तरीम सरकारलाई हम्मे हम्मे परेको थियो । उनले आफ्नो छोरा र नाती गुमाउदा पनि शत्ता त्याग गरेका थिएनन् ।
गद्दाफि मारिएकोबारे भिन्न-भिन्न समाचारहरु बाहिर आइरहेका छन् । उनि घाइते भएर मरेका हुन या हिरासतमा मारिएको हो भन्ने विषयमा स्पष्ट जानकारी अझै आउँन सकेको छैन । उनलाई लिवियाली अन्तरीम सरकारका सेनाले नियन्त्रणमा लिएर गोली हानी हत्या गरिएको केहीले अनुमान गरेका छन् । अन्तरीम सरकारका लडाकुहरुले गद्दाफि ढलमा लुकेर बसेको अवस्थामा आफुहरुले देखेको र उनले आफूलाई नमार्न अनुरोध गरेको तर आफूले गाली हानी उनलाई मारिदिएको उनिहरुले बताएका छन् ।
गद्दाफि मारिएकोमा खुसीयाली

लिवियाका अपदस्त शासक कर्णेल मुअम्मार गद्दाफी मारिएकोमा विश्वभर खुसीयाली मनाइएको छ । विशेषगरी लिविया र नेटो सम्वद्ध राष्ट्रहरुमा खुसीको सिमा नै नभएको वताइएको छ । उनिहरुले एक युगको अन्त्य र तानाशाही तन्त्र सिद्धिएको छ र गद्दाफि पिडित सबैलाई सम्झने दिन आएको छ- बेलायती प्रधानमन्त्री डेविड क्यामरुनले भने ।